Košarkaši Partizana poraženi su u Dubaiju rezultatom 86:81 u drugom meču finalne serije ABA lige, pa ekipa iz Emirata sada vodi sa 2:0 i nalazi se na korak od osvajanja titule. U još jednom neizvjesnom i rezultatski tijesnom meču, Partizan je veći dio utakmice imao rezultatsku kontrolu, ali je pad u završnici ponovo presudio u korist domaćina.
Dubai su do pobjede predvodili Aleksa Avramović i Džanan Musa sa po 16 poena, dok je Šimanga Kabengele dodao 13. Kod Partizana najefikasniji je bio Bruno Fernando sa 16 poena, Karlik Džons je ubacio 15, Dvejn Vašington 12, a Isak Bonga 11 poena. Treća utakmica igra se u Beogradu, gdje će Partizan pokušati da ostane u igri za odbranu trofeja i smanji zaostatak na 2:1.